Lena inoveli lecuketse indzaba ngekubaluleka nebungoti betidzakamiva. Sitfola Mavuso lowembandzakanyeka engotini yemoto, Londiwe lobekanesifo sesifuba, Mduduzi lobekanesifo sesitfutfwane basitakala ngato tidzakamiva. Kukhona bafana lebasebentisa tidzakamiva kabi tagcine setibagucule similo sabo balahlekelwa nalikusasa labo. Kwaphunyuka munye ngekusitwa, asekelwa ngumalume wakhe. Kulendzaba sitfola lwati nesimomcondvo. Lendzaba tigameko tayo tiveta indzima lekufanele idlalwe batali kubantfwana babo, nekubaluleka kwekulandzela liphupho lonalo ngekulalela teluleko. Tifundzele mfundzi utikholise uphindze utitapele lwati lolutawuba yingwabulamcondvo ukhone kukhetsa kahle emphilweni!